ڕاپۆرتێکی تەلەڤزیۆنی سویدی ئاشکرای کردوە کە تۆڕی
تاوانکاری «فۆکس تروت» و ڕەوا مەجیدی سەرۆکیان لەژێر گوشارێکی توندی ئێراندان بۆ ئەنجامدانی
هێرشی نوێ دژی بەرژەوەندییەکانی ئەمریکا و ئیسرائیل.
بەپێی زانیارییەکانی تەلەڤزیۆنی سویدی، ئەم تۆڕە
بە شێوەیەکی چالاک بەدوای کەسانی جێبەجێکاردا دەگەڕێت بۆ ئەنجامدانی ئەو ئۆپەراسیۆنانە
کە ئامانجە گریمانکراوەکان لە سوید، دانیمارک و ئەڵمانیادان.
لێکۆڵینەوەکانی پێشوو ئاماژەیان بەوە کردوە کە
لانی کەم 7 هێرش دژی ئامانجە ئیسرائیلییەکان پەیوەندییان بەم تۆڕەوە هەبووە و دەوترێت
ڕەوا مەجید لە بەرامبەر حەشاردرانی لە ئێران، ڕەزامەندی لەسەر بەڕێوەبردنی ئەم هێرشانە
داوە.
وەزیری دەرەوەی سوید ڕایگەیاند کە ئەم زانیارییانە
بۆ ئەو نوێن و جەختی کردەوە کە ئێران هێزێکی تێکدەرە و لە ڕێگەی تۆڕە تاوانکارییەکانەوە
لە ناو خاکی سویددا کار دەکات، ئەمەش بابەتێکە کە حکومەت بە هەند وەری دەگرێت.
تا ئێستا هیچ لێدوانێکی فەرمی سەبارەت بە ڕێکارە دەستبەجێیەکانی دەسەڵاتداران
لەم بارەیەوە نەدراوە.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.