حكومەتی چین بە ئامانجی زیادكردنی ڕێژەی لەدایكبوون و خستنەوەی وەچە لە وڵاتەكەی چەند ڕێكارێك دەگرێتە بەر. لە دوای تێپەڕبوونی سێ دەیە لە لێخۆشبوون، جارێكی دیكە حكومەتی چین باجی بەسەر دەرمان و كەلوپەلی ڕێگری لە دووگیانبوون سەپاندەوە. لە سەرەتای ئەمساڵەوە دووبارە دەرمان و كەلوپەلەكانی ڕێگری لە دووگیانبوون لە 13% باجیان بەسەردا سەپێنرا، ئەوەش بە ئامانجی زیادكردنی ڕێژەی لەدایكبوون كە پاشەكشەی كردووە و ساڵی 2024 بۆ سێیەم ساڵ لەسەر یەك ڕێژەی لەدایكبوون لە چین كەمیكرد و پسپۆڕان هۆشداری لەو پاشەكشەیە دەدەن لە ڕێژەی لەدایكبوون. بەمدواییە وڵاتی چین چەندین رێكاری گرتووەتە بەر بۆ هاندنی زیادبوونی هاوسەرگیری و زیادبوونی ڕێژەی لەدایكبوون و وەچەخستنەوە، چونكە چەندین دەیەیە بەهۆی پەیڕەوكردنی سیاسەتی یەك منداڵ كە لەساڵی 1980 بۆ 2015 جێبەجێ كرا، هەروەها بەهۆی بەرزیی خەرجیی و فێركردن و نادڵنیایی لە دەستكەوتنی كار و خراپیی دۆخی ئابووریی وای لە گەنجانی چین كردووە خۆ لە پڕۆسەی هاوسەرگیریی بەدوور بگرن، بەو هۆكارانەشەوە ڕێژەی لەدایكبوون لە چین پاشەكشەی كردووە.
حكومەتی چین چەندین رێكاری بۆ زیادبوونی ڕێژەی لەدایكبوون و وەچەخستنەوە گرتووەتەبەر
Byنوسەر
کانوونی دووەم 9, 2026