پهیام بههۆی بهفربارین و سهرماوه گرفتی هاتوچۆ له شهقامهكان دروست بووه و بهڕێوهبهرایهتییهكانی هاتوچۆ له شاره جیاوازهكان داوا له هاووڵاتیان دهكهن له ماڵهكانیان بمێننهوه و ڕوو له ناوچه بهرزهكان نهكهن. پهیامنێری پهیام ڕایگهیاند: قهرهباڵغییهكی زۆر له ڕێگهی دهباشان دروست بووه و ژمارهیهكی زۆر ئۆتۆمبێل خلیسكاون. ڕٍاشیگهیاند: ژمارهیهك خێزان له تونێلی پێشڕهو گیریان خواردووه و داوای بههاناوهچوون دهكهن. ههروهها بهڕێوهبهرایهتیی هاتوچۆی سلێمانی ڕایگهیاندووه: شۆفێران و دانیشتووانی شاری سلێمانی ئاگادار دهكهینهوه به هیچ شێوهیهك به ئاڕاستهی شاخی گۆیژه و ئهزمڕ و دۆڵهمیران نهڕۆن لهبهر ئهوهی ڕێگاكه داخراوه. هاتوچۆی سلێمانی دهڵێت: سهركهوتن بهرهو دۆڵهمیران و شاخی گۆیژه و تونێلی پێشڕهو داخراوه و ئاستهنگی هاتوچۆی زۆر ههیه. لای خۆیهوه ههڤاڵ ئهبوبهكر، پارێزگاری سلێمانی ڕایگهیاندووه: سبهی پلهكانی گهرما تا ئاستێكی زۆر دادهبهزن و گرفت بۆ ڕێگاوبانهكان و ئاستهنگ بۆ هاتوچۆ دروست دهبێت، بۆیه داوا له هاووڵاتیانی بهڕێز دهكهین، پابهندی تهواوی ڕێنماییهكانی یهكه كارگێڕییهكان و هاتوچۆ و بهرگریی شارستانی و شارهوانییهكان بن. له سنووری ههولێریش دهیان هاووڵاتی له سنووری قهزای كۆیه له تۆڕه كۆمهڵایهتییهكانهوه بڵاویان كردووهتهوه، گیریان خواردووه و داوا دهكهن تیمهكانی حكومهت به هانایانهوه بچن. ئهو هاووڵاتیانه له ڕێگاكانی كۆیه بهرهو دوكان و ههولێرو تهقتهق گیریان خواردووه و تهنانهت كهرهسته و ئۆتۆمبێلی تایبهتیان بهكرێ گرتووه بۆ ئهوهی شهقامهكان پاك بكهنهوه. بهڵام بهشێكیان هێشتا له دهرهوه گیریان خواردووه.
هاتووچۆ: تا دوانیوهڕۆ له ماڵ مهیهنه دهرهوه و شهقامهكان بهستوویهتی
Byنوسەر
کانوونی دووەم 2, 2026