سەرباری ڕاگەیاندنی ئاگربەست لەنێوان هێزەکانی هەسەدە و
حکومەتی ئەحمەد شەرع لە دیمەشق، ماوەی دوو ڕۆژە حکومەتەکەی شەرع گەمارۆی خستوەتەسەر
هەردوو گەڕەکی شێخ مەقسود و ئەشرەفییەی پارێزگای حەلەب و رێگری دەکات لە
چونەژورەوەی دەرمان و خۆراک، ڕوانگەی سوریش بۆ مافەکانی مرۆڤ هۆشداری لە ڕودانی
کارەساتێکی مرۆیی لە دوو گەڕەکە کوردنشینە دەدات.
ڕوانکەی سوری باسی لەوەکردوە، گەمارۆی حکومەتی شەرع
بۆسەر ئەو دوو گەڕەکە کوردییەی حەلەب دۆخ و گوزەرانی خەڵکی خراپ کردوە، بەتایبەت
کە پێشتر دانیشتوانەکەی ئامادەکارییان بۆ ئەو دۆخە نەکردبوو.
-دەرمان و شیری منداڵان دەستناکەوێت
ڕوانکەی سوری بۆ مافەکانی مرۆڤ دەڵێت، بەهۆی ئەو گەمارۆیانەوە
نرخی خۆراک و پێداویستییە پزیشکییەکان لە شێخ مەسقود و ئەشرەفییە بۆ دوو هێندە
بەرزبوەتەوە، هەندێک دەرمانی نەخۆشییە درێژخایەنەکان و شیری منداڵەکان بەشێوەیەکی
نیمچەتەواو لە بازاڕ و دەرمانخانەکان نەماون، ئەوەش گرفتێکی زۆری بۆ ئەو خێزانانە
دروستکردوە کە منداڵ و نەخۆشیان هەیە.
-ئاگربەست کۆتایی بە
گەمارۆ نەهێناوە
سەرباری ئەوەی هێزەکانی
سوریای دیموکرات و حکومەتی ڕاگوزەر لەدیمەشق لەبارەی ئاگربەست و شکاندنی گەمارۆکان
گەیشتنە ڕێککەوتن، بەڵام تاکو ئێستا تاکو ئێستا هێزەکانی ئاسایشی گشتی سەر بە
وەزارەتی بەرگری سوریا رێگە بەچونەژورەوەی خۆراک و سوتەمەنی نادەن و ئاو و کارەباش
لە دانیشتوانەکەی بڕاوە، هەروەها ئەو هێزانە رێگردەکەن لە دەرچون و چونەژورەوەی
هاوڵاتییانی شێخ مەقسود و ئەشرەفییە.
-دانیشتوانەکەی ئاوارە
دەبن
بەپێی وتەی ڕوانگەی
سوری، بەهۆی هەڕەشە و وتاری تائیفی لەدژی دانیشتوانی کوردی شێخ مەقسود و
ئەشرەفییە، بەشێک لە دانیشتوانی ئەو دوو گەڕەکە ناوچەکەیان جێهێشیوە و خەڵک ترسیان
لە دوبارەبونەوەی گرژی و ئاڵۆزییەکان هەیە.
محەمەد سەردار
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.