وەزارەتی نەوتی عێراق دەڵێت، لەگەڵ وەزارەتی سامانە سروشتییەکان و کۆمپانیا نەوتییەکان بۆ هەناردەکردنەوەی نەوتی هەرێمی کوردستان گەیشتوونە ڕێککەوتن.
ئەمڕۆ پێنجشەممە وەزارەتی نەوت دووپاتی کردەوە، ڕێککەوتنەکە لەگەڵ هەرێمی کوردستان میکانیزمی ڕوون و تەکنیکی و ڕێکخراویی داناوە بۆ ئەوەی هەناردەکردن بە ئاسانی بەڕێوە بچێت.
دەشڵێت، لە چوارچێوەی پابەندبوونی حکومەتی فیدراڵی بە بەڕێوەبردنی سامانی نیشتمانی بە شێوەیەک کە بەرزترین ئاستەکانی شەفافیەت و کارایی بەدەستبهێنێت، وەزارەتی نەوت ئەنجامدانی ڕێککەوتنێک ڕادەگەیەنێت کە دەستدەکات بە هەناردەکردن و گەیاندنی سەرجەم نەوتی خاوی بەرهەمهێنراو لە کێڵگەکانی هەرێمی کوردستان جگە لەو بڕەی بۆ بەکارهێنانی ناوخۆیی تەرخانکراوە لەلایەن ڕێکخراوی بەبازاڕکردنی نەوت (SOMO) لەڕێگەی بۆریی عێراق- تورکیاوە بۆ بەندەری جەیهانی تورکیا.
وەزارەتی نەوت ڕونیکردەوە، ئەمەش بەگوێرەی ڕێکارە بنەڕەتییە پەسەندکراوەکان و دەستور و بڕگەکانی یاسای بودجەی گشتی فیدراڵی و بڕیارەکانی دادگای فیدراڵییە.
ئ.ه
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.