لە وان و مووش 68 گوند ڕێگەی هاتوچۆیان لێ گیراوە و تەمێكی چڕیش هەكاریی داپۆشیوە. بە هۆی ئەو شەپۆلە بەفربارینەی كە ناوچەكەی گرتووەتەوە، ڕێگەی هاتوچۆی نێوان 68 گوند و ئاوایی لە پارێزگاكانی وان و مووش گیراون. بە پێی ڕاگەیاندراوێكی پارێزگای وان، پێنج گوندی پارێزگاكە ڕێگەیان لێ گیراوە و تیمەكانی ڕێگەوبانیش ڕەوانەی ناوچەكە كراون بۆ خاوێنكردنەوەی ڕێگەكان. لە پارێزگای مووش-یش 63 گوند ڕێگەی هاتوچۆیان لێگیراوە و هەوڵەكان بۆ كردنەوەی ڕێگەكان چڕ کراونەتەوە. هاوكات لەگەڵ ئەو شەپۆلە بەفربارینەی كە ناوچەكەی گرتووەتەوە، تەمێكی چڕ باڵی بە سەر ناوەندی شاری هەكاری داگرتووە.
