نەوەی نوێ لەڕاگەیەندراوێکدا دەڵێت،وێڕای دەستگیرکردنی سەرۆکی جوڵانەوەکەمان و ئەو هەموو فشارەی دەسەڵات و دژایەتیی ولێدان لە نەوەی نوێ وەک ئۆپۆزسیۆنێکی ئازا و خاوەن هەڵوێست کە ئامادە نەبووە بچێتە ژێر ڕکێف و سێبەری دەسەڵاتەوە. لێرەوە سوپاس و پێزانینی خۆمان بۆ دەنگ و متمانەی هاوڵاتیانی بەڕێز و هەموو خۆبەخشانی نەوەی نوێ دووپات دەکەینەوە.
لەڕاگەیەندراوەکەدا هاتووە، “دڵنیابن هەرچەند کورسییمان هەبێت و لەهەرکوێیەک بین، ئەوە لەگەڵ خەڵک و لەبەرەی خەڵکدا دەبین و کاری جدیی بۆ چارەسەرکردنی کيشەکانیان دەکەین”.
بەناوی خوای گەورە
هاونیشتیمانیانی بەڕێز
وێڕای دەستگیرکردنی سەرۆکی جوڵانەوەکەمان و ئەو هەموو فشارەی دەسەڵات و دژایەتیی ولێدان لە نەوەی نوێ وەک ئۆپۆزسیۆنێکی ئازا و خاوەن هەڵوێست کە ئامادە نەبووە بچێتە ژێر ڕکێف و سێبەری دەسەڵاتەوە. لێرەوە سوپاس و پێزانینی خۆمان بۆ دەنگ و متمانەی هاوڵاتیانی بەڕێز و هەموو خۆبەخشانی نەوەی نوێ دووپات دەکەینەوە و دڵنیابن هەرچەند کورسییمان هەبێت و لەهەرکوێیەک بین، ئەوە لەگەڵ خەڵک و لەبەرەی خەڵکدا دەبین و کاری جدیی بۆ چارەسەرکردنی کيشەکانیان دەکەین و هەرگیز پشت لە هاوڵاتیان ناکەین و متمانەیان لە دەست نادەین. هەروەک چۆن پیرۆزبایی لە هێزە براوەکان دەکەین و هیوا دەخوازین لەگەڵ ئێش و زامەکانی خەڵکدا بن.
ئەگەرچی ئەنجامەکانی هەڵبژاردن لەئاست چاوەڕوانیی ئێمەدا نەبوو، هاوکات لەم هەڵبژاردنەدا هەردوو حیزبی دەسەڵات بە پلانێکی ڕێکەوتن لەسەرکراو لە نێوان هەردووکیاندا، سەرۆکی جوڵانەوەکەیان دەستگیرکرد و دژایەتییەکی بەرنامە بۆ داڕێژراوی نەوەی نوێیانکرد وەک ئۆپۆزسیۆنێکی ئازا و خاوەن هەڵوێستی خۆی لە بەغداد و لە هەرێم. چونکە دەرکەوت دەسەڵات تەنها لەم شێوازە ئۆپۆزسیۆنبوونەی نەوەی نوێ دەترسێت . دڵنیاشین ئەگەر سەرۆکی نەوەی نوێیان دەستگیرنەکردایە ئەوە هەرگیز دەسەڵات ئەم ئەنجام و پلانەی بۆ نەدەچووەسەر.
گرنگ ئەوەیە دەمانەوێت جەخت لەوە بکەینەوە کە نەوەی نوێ لەسەر هەمان بیروڕا و پرەنسیپی کارکردنی خۆی کەدیفاعکردنە لەخەڵک بەردەوام دەبێ و تەنازول لە هیچ یەکێک لەو پرەنسیپانە ناکات کە بڕوای پێیانەو کاریان بۆ دەکات لەپێناو خۆشگوزەرانیی خەڵک و بەرگریکردن لە مافەکانیان.
سەرباری هەموو ئەوانە، هێشتا پێمانوایە هەڵبژاردن و بەشداریی زۆری هاوڵاتیانی ناڕازیی و بەشخوراو باشتریین ڕێگایە بۆ گۆڕانکاریی و درووستکردنی فشار بۆسەر دەسەڵات و باشکردنی ژیانی خەڵک.
لە کۆتاییشدا، ئێمە وەک هێزێکی ئۆپۆزسیۆن دڵنیاین کە زوڵم و زۆر بۆ هیچ هێز و کەسێک ناچێتە سەرو لەسەر کارکردنی شێلگیرانەشمان بۆ گەیشتن بە لوتکەی دەسەڵات بەردەوام دەبین.
جوڵانەوەی نەوەی نوێ
١٢/١١/٢٠٢٥
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.