ڕێکخراوی داکۆک خۆپیشاندانێکی بەرفراوانی لە دوو شاری گەورەی بەریتانیا، لەندەن و مانچستەر، ڕێکخست بۆ ئیدانەکردنی کردەوەکانی میلیشیاکانی حەشدی شەعبی . بەشداربووانی خۆپیشاندانەکە هۆشدارییان دا کە هەڵسوکەوتەکانی ئەم هێزە چەکدارانە سەقامگیری عێراق و ناوچەکە تێکدەدات. خۆپیشاندەران جەختیان لەوە کردەوە کە باڵادەستی حەشدی شەعبی و کارکردنیان وەک هێزی وەکالەتی، عێراق بەرەو لێواری جەنگێکی وێرانکەر لە نێوان ئەمریکا و ئێران دەبات. چالاکوانانی کورد لە بەریتانیا داوایان لە کۆمەڵگەی نێودەوڵەتی کرد کە فشار بخەنە سەر حکومەتی عێراق بۆ هەڵوەشاندنەوەی ئەم هێزە میلیشیایانە و پاراستنی ئاسایشی ناوچەکە
وێنەى بەشداربوانى چالاکیەکە
