مەسرور بارزانی بڕی دوو ملیار دیناری وەک فریاگوزاریى بۆ چارەسەرکردن
و خاوێنکردنەوەی ئاوەڕۆ و ڕێرەوەکانی ئاوی سروشتی باران و کەموکوڕى و گرفتەکانى
تەرخانکرد، بەمەبەستی رێگریکردن لەدروستبونی لافاو لە وەرزی بارانبارینی ئەمساڵدا .
ئەمڕۆ پێنجشەممە، بە سەرپەرشتى ئومێد خۆشناو پارێزگارى هەولێر، لە
دیوانى پارێزگا کۆبوونەوەیەکى تایبەت سەبارەت بە ئامادەکاریى بۆ وەرزى بارانبارینى
ئەمساڵ و خاوێنکردنەوەی مەنهۆل و ئاوەڕۆ و کەند و ڕێرەوە سروشتییەکانى ئاوى باران
ئەنجامدرا.
ئومێد خۆشناو، پارێزگاری هەولێر ئاماژەی بەوەکرد،” بە ڕەزامەندى
مەسرور بارزانی، سەرۆکى حکومەتى هەرێمى کوردستان دوو ملیار دینار وەک فریاگوزاریى
بۆ چارەسەرکردن و خاوێنکردنەوەی ئاوەڕۆ و رێرەوەکانی ئاوی سروشتی و کەموکوڕى و
گرفتەکان و ئاوەڕۆ و شەقامە گشتییەکان و کوچە و کۆڵانەکانی شارى هەولێر و کەند و
رێڕەوى سروشتى ئاوى باران و نەهێڵانى كێشەكان تەرخانكراوە “.
ئەوەشخراوەتەڕوو، بڕیارە بڕە پارەکە بۆ هەریەک لە
بەڕێوەبەرایەتى ئاوەڕۆی هەولێر، بەرێوەبەرایەتى ئاودێری، بەڕێوەبەرایەتى
چاككردنەوە و پاراستنی ڕیگاوبانی هەولێر تەرخانکراوە، بۆ چارەسەرکردن و نەهێشتنی
ئەو کەموکوڕى و گرفتانەى هەن.
پارێزگاری هەولێر جەختیشى له خێڕاترکردنى هەنگاوەکانیان کردەوە و دوپاتیکردەوە،
کە دەبێت لە زوترین کاتدا ڕێکارى پێویست بگرنەبەر بۆ چارەسەرکردنیان.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.