هەسەدە ڕەتیدەکەنەوە خاڵە پشکنینەکانی سەر بە چەکدارانی حکومەتی کاتی لە دەوروبەری ئەشرەفیە و شێخ مەقسود بکەنە ئامانج.
هەسەدە دەڵێت، هێزەکانمان لەدوای کشانەوەی ئێمەوە بەپێی لێکتێگەیشتنی یەکی نیسان لە ناوچەکەدا ئامادە نەبوون.
بەشێک لەناوەرۆکی ڕاگەیەندراوەکە:
ئەوەی لە ئەشرەفیە و شێخ مەقسوود دەگوزەرێت، دەرئەنجامی هێرشی دووبارەی چەکدارانی حکومەتی دیمەشقە بۆ سەر خەڵکی سڤیل.
چەکدارانی حکومەتی دیمەشق گەمارۆی ئەمنی و مرۆیی خنکێنەر بەسەر گەڕەکەکاندا دەسەپێنن و هاوکاری و پێداویستییە پزیشکییەکان دەبڕن.
چەکدارەکانی حکومەت گەمارۆیەکی خنکێنەریان بەسەر ئەشرەفیە و شێخ مەقسوددا سەپاند.
پەرەسەندنی مەترسیدار هەیە بە هەوڵدان بۆ دزەکردن بە تانک و زرێپۆش، و بە ئامانجگرتنی گەڕەکەکان بە گوللە هاوەن و فڕۆکەی بێفڕۆکەوان.
تۆپبارانەکان زیانی گیانی لە هاووڵاتیانی مەدەنی و زیانی ماددی بەرفراوانی لێکەوتەوە.
دانیشتووان ناچاربوون شانبەشانی هێزەکانی ئاسایشی ناوخۆ بەرگری لە خۆیان بکەن، کە هاوڵاتیانی مەدەنی دەپارێزن.
حکومەتی دیمەشق بە تەواوی بە بەرپرسیار دەزانین لە گەمارۆ و پێشێلکارییە بەردەوامەکانی دژی خەڵکی سڤیل.
داوا لە ڕێکخراوە نێودەوڵەتییەکان دەکەین بۆ کۆتایی هێنان بە گەمارۆ و ڕاگرتنی هێرش بۆ سەر خەڵکی سڤیل، هەنگاوی بەپەلە بگرنەبەر.
ئ.ە
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.