بەریتانیا لە ڕۆژانی ڕابردوودا شایەتی کۆمەڵێک چالاکی بەرفراوان بوو کە لەلایەن ڕێکخراوی داکۆکەوە ڕێکخرابوون بۆ یادکردنەوەی حەوتەمین ساڵیادی ڕووداوەکانی ١٦ ئۆکتۆبەری ٢٠١٧. ئەم چالاکیانە لە 7 شاری سەرەکی ئەم وڵاتە بەڕێوەچوون و پەیامی بەهێزیان دەربارەی یەکڕیزی کوردی و لەبیرنەکردنی قوربانیان نارد.
١٦ ئۆکتۆبەر ڕۆژێکە کە هەرگیز لە بیرەوەریی کوردی ناسڕێتەوە. لەو ڕۆژەدا، کەرکووک کە بە دڵی کوردستان و قودسی کوردی ناسراوە، بە زۆرەملێ و خیانەت لە کوردان دایبڕا. هێزە چەکدارەکانی عێراق لەگەڵ میلیشیا شیعییەکان، کە پشتگیریی ئێرانیان هەبوو، هێرشیان کردە سەر شارەکە و توانییان بە هۆی خیانەتی ناوخۆییەوە دەسەڵاتی بەسەردا بگرن.
وێنهی بهشداربوان له شاری نیوكاستڵ
لێدوان و ڕووماڵی چالاكیهكهی شاری نیوكاستڵ
ڕێکخراوی داکۆک کە یەکێکە لە چالاکترین ڕێکخراوە کوردییەکانی دەرەوەی وڵات، بڕیاری دا کە ئەم ڕۆژە بە شێوەیەکی گونجاو یاد بکاتەوە. ئەوان کۆبوونەوەیان لە شارەکانی لەندەن، مانچستەر، بیرمینگهام، لیدز، گلاسکۆ و کاردیف ڕێکخست کە بەشداریکردنی سەدان کوردی نیشتەجێی بەریتانیایان تێدابوو.
وێنهی بهشداربوان له شاری بێرمینگهام
لە هەر شارێکدا، بەشداربووان بە گوتار، وێنە و کلیپی بینراو، گێڕانەوەیان لە ڕووداوەکانی ئەو ڕۆژە تاڵە کرد. هەندێک لە قسەکەران خۆیان لە کەرکووک بوون و توانییان بە ڕاستەوخۆ باس لە ئازار و ئاستەنگەکانی ئەو خەڵکە بکەن کە هێشتا بەردەوامن لە ژیان لەژێر ستەمدا.
لێدوان و ڕووماڵی چالاكیهكهی شاری بێرمینگهام