سوپای پاسدارانی ئێران مهترسی خۆی له جێگیر بوونی هێزێكی ئهمریكا له ههولێر نیشان دهدات و داواش له حكومهتی عێراق دهكات لهسهر ئهم پرسه لێپرسینهوه له حكومهتی ههرێمی كوردستان بكات. ئاژانسی “تهسنیم”ی سهر به سوپای پاسداران له ڕاپۆرتێكدا مهترسیی خۆی له جێگیركردنی فیرقهی 101ی پهڕهشوتهوانی ئهمریكا له ههولێر دهربریوه، دوای ئهو ههواڵانهی باسیان له كهمكردنهوهی هێزهكانی ئهمریكا له بنكهكانی عهین ئهسهد و بهغداد كردن. بهپێی ئاژانسهكه، ئهركهكانی ئهم فیرقهیه له هێزی “دێلتا” نزیكه و تایبهتن به ئۆپهراسیۆنی خێرا و دابهزینه سهر زهوی و ڕفاندن، به وتهی ئاژانسهكهش ئهمه ئاماژهیهكه بۆ ئهوهی واشنتۆن دهیهوێت ههرێمی كوردستان بكاته بنكهیهكی پێشكهوتووی سهربازی بۆ جێبهجێكردنی پلانه ئهمنییهكانی له ناوچهكهدا، بهتایبهت دوای كۆبوونهوه چڕهكانی ئهم دواییهی نێوان بهرپرسانی ئهمهریكا و ههرێم. ڕاپۆرتهكهی ئاژانسی تهسنیمی ئێران هۆشداری دهدات له بوونی ئهو هێزه و ئهگهری دووبارهكردنهوهی سیناریۆی ڤهنزوێلا و ئهنجامدانی ئۆپهراسیۆنی دابهزینی ئاسمانی بۆ ڕفاندنی كهسایهتییهكان لهناو خاكی عێراق یان ئێران. ههروهك داوای له حكومهتی عێراق و سهرۆكایهتییهكان كردووه ههڵوێستی ڕوونیان ههبێت و لێپرسینهوه له ههرێم بكهن سهبارهت به هۆكاری جێگیركردنی ئهو هێزه و سروشتی ئهو ئهركانهی پێیان سپێردراوه.
ئێران داوا له عێراق دهكات لێكۆڵینهوه له ئهگهری بوونی هێزی تایبهتی ئهمریكی له ههولێر بكات
Byنوسەر
کانوونی دووەم 9, 2026