دۆناڵد ترەمپ بەدرێژایی ساڵانی ڕابردوو و دوای هەڵبژاردنی وەك سەرۆكی ئەمریكا لە وتەكانیدا باسی ئێرانی كردووە و خاوەنی چەندین وتار و هەڵوێستی دژ بەیەكە بەرامبەر ئەو وڵاتە. ترەمپ هەندێك كات خۆی وەك فریادڕەس نیشان دەدا و جەنگی ڕەتدەكردەوە، بەڵام لە ماوەی سەرۆكایەتیەكەی گەورەترین ململانێی سەربازیی لەگەڵ ئێران هەڵگیرساند و ململانێیەكەی بردە قۆناغێكی مەترسیدارتر.