ئەحمەد شەرع، سەرۆکی سوریا پەیوەندی تەلەفۆنی بە مەسعود بارزانی سەرۆکی
پارتییەوە کرد و دوایین گۆڕانکارییەکانی ناوچەکە و پاراستنی مافەکانی گەلی کوردیان
تاوتوێ کرد.
سەرۆکایەتی کۆماری سوریا بڵاویکردەوە، لەو پەیوەندییەدا جەخت لەسەر هەماهەنگی
بەردەوام کرایەوە بۆ چەسپاندنی ئاشتی و ئاسایش و دۆزینەوەی ڕێگەی گونجاو بۆ چارەسەرکردنی
کێشەکان.
بەگوێرەی ڕاگەیەندراوێکی فەرمی سەرۆکایەتی کۆماری سوریا، ئەحمەد ئشەرع لەو
پەیوەندییەدا دوپاتیکردوەتەوە کە تەواوی مافە نیشتمانی، سیاسی و مەدەنییەکانی کورد
لە سوریا پارێزراون.
ئەوەشخراوەتەڕوو، لە بەرامبەردا، مەسعود بارزانی پشتگیری خۆی بۆ ڕێککەوتنی
ئەمدواییەی نێوان حکومەتی سوریا و هێزەکانی سوریای دیموکرات (هەسەدە) دەربڕیوە و ئەم
هەنگاوەی بە گرنگ و پۆزەتیڤ وەسف کردووە.
بەپێێ ڕاگەیەنراوەکە، هەروەها هەردولا لەسەر ئەوە ڕێککەوتوون کە بۆ مسۆگەرکردنی
ئاشتی و بەرژەوەندی گشتی لە ناوچەکەدا، پێویستە پرۆسەی ڕاوێژ و هەماهەنگی هاوبەش لەنێوانیاندا
بەردەوام بێت. ئامانجی ئەم هەماهەنگییە چارەسەرکردنی جیاوازییەکان و کارکردنە بۆ بەهێزکردنی
سەقامگیری بە شێوەیەک کە خزمەت بە بەرژەوەندی هەموو لایەک بکات.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.