شێوازی پێشووی دابەشکردنی موچەی هێزەکانی پێشمەرگە بەشێوەی نەختینە (کاش)و لەڕێگەی بانکەکانەوە بەفەرمی کۆتاییهات و لەم مانگەوە لەم مانگەوە سەرجەم موچەخۆرانی وەزارەتەکە تەنها لەڕێگەی ئامێرەکانی ڕاکێشانی پارە (ATM)هوە موچەکانیان وەردەگرن. لیوا توانا سدیق بەڕێوەبەری گشتیی ژمێریاریی سەربازیی لەوەزارەتی پێشمەرگە لەلێدوانێکدا ڕایگەیاندووه، “پڕۆسەی دابەشکردنی دەستیی موچە بەتەواوی کۆتاییهاتووە و لەئێستادا زیاتر لە 99٪ی هێزەکانی پێشمەرگە لەپڕۆژەی (هەژماری من)دا تۆمارکراون”. ئاشکراشیکرد، لەم مانگەدا بە نزیکەیی سەرجەم هێزەکانی پێشمەرگە لە ڕێگەی کارتە بانکییەکان و ئامێرەکانی ڕاکێشانەوە پارەی موچهكانیان وەردەگرن.
