_
لە سنووری ناحیەی سەنگاو شەڕەتەقە روویدا و بەهۆیەوە کەسێک کوژرا و دوو کەسیش برینداربوون.
ئەمڕۆ یەکشەممە بەهۆی شەڕەتەقەی نێوان چەند کەسێک لە گوندی هەنارەی ناحیەی سەنگاوی سەر بە قەزای چەمچەماڵ لە پارێزگای سلێمانی، کەسێک کوژرا و دووانی دیکەش بریندار بوون.
ئەو کەسەی کوژراوە ناوی سەرهەنگ عەلی-یە و خەڵکی گوندی هەنارەیە لە سنووری ناحیەی سەنگاو لە قەزای چەمچەماڵ.
بەگوێرەی زانیارییەکانی، کێشەکە لەسەر رێگەیەکی گشتی روویداوە و لە ئێستادا هێزە ئەمنییەکان لە شوێنی رووداوەکەن و لێکۆڵینەوەکانیان دەستیپێکردووە.