عێراق سەرقاڵی گەورەترین پرۆسەی لێكۆڵینەوەیە لەمێژووی خۆیدا.. دۆسیەی زیاتر لە 5700 دەستگیركراوی داعش كە چەند مانگێك لەمەوبەر لە زیندانەكانی (هەسەدە)ـەوە لەسووریا ڕادەستی عێراق كران، پێی ناوەتە قۆناغێكی نوێ و یەكلاكەرەوەوە. ژمارەیەك لە تۆمەتبارەكان ئازاد كراون، هەروەها بریارە سەدان كەسیان رادەستی سووریا بكرێنەوە و سزادراوە ئەورووپییەكانیش لەگەڵ وڵاتەكانیان هەماهەنگی بكرێت بۆ وەرگرتنەوەیان بەڵام ئەوانەی سزای لەسێدارەدان دەیانگرێتەوە، رادەستی وڵاتانی خۆیان ناكرێنەوە.