خاوەن كێڵگەكانی مریشك لە هەرێمی كوردستان هۆشداریی لە لەنێوچوونی یەكجاری كەرتی پەلەوەر دەدەن و دەڵێن: لە كاتێكدا نرخی كیلۆیەك مریشك لە بازاڕدا 2100 بۆ 2500 دینارە، تێچووەكەی لەسەر خۆیان زۆر لەوە زیاترە. لەوبارەوە ڕاوێژكاری كۆمەڵەی كێڵگە پەلەوەرییەكان ڕایدەگەیەنێت: حكوومەت بە سەپاندنی باجی نایاسایی وەك دەستەبەری كۆمەڵایەتی و پارەی سەرپەرشتیاری وەهمی، بینەقاقای كاسبكارانی گرتووە. لە لایەكی دیكەوە، گرانبوونی سووتەمەنی و بڵاوبوونەوەی ڤایرۆسە كوشندەكان بێ هیچ هاوكارییەكی ڤاكسین وای كردووە جوجكەكان بەكۆمەڵ لەنێو بچن.