پەیام
لەپێش كۆبوونەوەی نەتەوەیی سەركردەكانی جیهاندا و لەمڕۆ هەیینیدا كۆمەڵەی گشتیی نەتەوەیەكگرتووەكان بەزۆرینەی دەنگ دانی نا بە چارەسەری دوو دەوڵەت بۆ قەوارەی زایۆنی و فەڵەستینی داگیركراو، ئەوەش بە هەنگاوی بەرجەستە و كاتێكی دیاریكراو كە گەڕانەوەی تێدا نییە.
لە پڕۆژەكەدا 142 دەوڵەت پشتگیری بڕیارەكەیان كرد و 10 دەوڵەت دژی بوون، كە لەنێویاندا ویلایەتە یەكگرتووەكان و قەوارەی زایۆنی و ئەرجەنتین هەبوون، هەروەها 12 دەوڵەتی دیكە هیچ ڕایەكیان نەبوو، لەنێویشیاندا، ئەلبانیا و ئەسیوبیا و ئیكوادۆر.
ئاژانسی ڕۆژنامەگەری فەڕەنسیش ڕایگەیاند: ئەو دەقەی پشتی پێبەستراوە ئیدانەكردنی هێرشی حەوتی ئۆكتۆبەری ساڵی 2023یە، داواش لە حەماس دەكات چەك دابنێت.
بڕیارەكەی كۆمەڵە گشتییەكە پێش 10ڕۆژ لە كۆبوونەوەی ئەو لوتكەیەیە، كە پاریس و ڕیاز لە 22ی ئەم مانگە لە نەتەوەیەكگرتووەكان سەرۆكایەتی دەكەن، ئیمانوێڵ ماكرۆن سەرۆكی فەڕەنساa بەڵێنی داننان بە دەوڵەتی فەڵەستینی دا بوو.