دەزگای ئاسایشی
هەرێم رایدەگەیەنێت، بەڕێوەبەرایەتی گشتی ئۆپراسیۆنەکانی ئاسایش دوای بەدواداچون و
لەسەر بنەمای ئاڵوگۆڕی زانیاری و هەواڵگری، لەمانگەکانی 4 و 6ی 2026دا لەسنوری پارێزگاکانی
سلێمانی و کەرکوک ( سێ ) تیرۆریستی داعشیان دەستگیرکرد.
دەزگای ئاسایشی
هەرێم لەڕاگەیەنراوێکدا دەڵێت،” تیرۆریستان بەناوەکانی ( چ.ئـ ، ت.ب.ر ، پ.ف.س ) دوای ئەوەی
هەوڵی هیجرەتیان داوە بەڵام لەبەر باری ئەمنی و داخستی هەموو ڕێگاکان لەلایەن هێزەئەمنیەکانەوە
بۆیان نەکراوە و لەپێشوتردا بڕیاری ئەوەیان داوە دەعوە بکەن و کاریان بڵاوکردنەوەی
ڤیدیۆ و نوسین و وێنەکانی داعش و فکرەی توندڕەوی بوە لە 10 پەیج و ئەکاونتی تۆڕەکۆمەڵایەتییەکانی (فەیسبووک،
تیکتۆک، ئینستاگرام، تەلەگرام، یوتوب) کردوە، لەدوای وەرگرتنی بڕیاری دادوەر
داواکراوان دەستگیرکران “.
ئەوەشخراوەتەڕوو،
لە درێژەی لێکۆڵینەوەکاندا تیرۆریستان دانیان بەوەداناوە لەتۆڕەکۆمەڵایەتیەکانەوە
دەعوەیان کردوە و هانی گەنجان و هەرزەکارانیان داوە بۆ وەرگرتنی فکرەی توندڕەوی و
چونە ناو رێکخستنەکانی داعش و هیجرەتکردن بۆ ناو ڕیزەکانی داعش.
بەپێی
راگەیەنراوەکە، لەئێستادا تۆمەتباران بەماددەی 2 لەیاسای تیرۆر ڕاگیراون و لێکۆڵینەوە
لەدۆسییەکانیان بەردەوامە.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.