بە مەبەستی ڕەتكردنەوەی هەژماركردنی نمرەی وانەكانی كوردی و عەرەبی و ڕەچاوكردنی دۆخی قوتابیان بە هۆی جەنگی ناوچەكەوە، بەشێك لە قوتابیانی پۆلی 12 گردبوونەوەیەكی ناڕەزایەتییان لە بەردەم بەڕێوەبەرایەتیی پەروەردەی ڕۆژاوای سلێمانی ئەنجام دا. قوتابیان دەڵێن: بەشێك لە پرسیارەكانی وانەی عەرەبی لە دەرەوەی مەنهەج بووە، ئەمە سەرەڕای ئەوەی بەشێك لە پرسیارەكان زیاتر لە وەڵامێكی بۆ بووە. قوتابیان دەشڵێن: ناكرێت بەهۆی چەند گرفتێكی هونەرییەوە، چارەنووسی خوێندنمان لەنێو ببرێت، ئەوان داوا لە وەزارەتی پەروەردە دەكەن هەڵوێست و بڕیاری ئەرێنی هەبێت.
