لە كاتێكدا لە وڵاتانی جیهان جەماوەر بۆ چەند سەنتێك گرانكردنی بەنزین و پیشێلكردنی مافەكانیان پایەكانی دەسەڵات دەهەژێنن، لە هەرێمی كوردستان نرخی سووتەمەنی گەیشتووەتە ئاستێكی خنكێنەر و هاووڵاتییان تەنیا لە سۆشیاڵ میدیا بێزاری دەردەبڕن. ئەم سستییەی هۆشیاریی جەماوەری و پاشكۆیی بۆ میدیای حزبی، بووەتە گەورەترین شەرعییەت بۆ بەردەوامیی قەیرانەكان و قورسكردنی زیاتری باری گوزەرانی چینە هەژارەكان.