حكوومەتی عێراق ڕەتی دەكاتەوە بانگەشەكانی سعوودیە بۆ هێرشكردنە سەر وڵاتەكەی لە عێراقەوە سەلمێنرابن. حەیدەر عەبودی وتەبێژی حكوومەتی عێراق ڕایگەیاند: ڕێگەمان نەداوە و ڕێگەیش نادەین خاكی عێراق بۆ هێرشكردنە سەر وڵاتانی دراوسێ بەكار بهێنرێت. ئەو وتیشی: لەگەڵ ئەوەشدا مۆڵەتی هیچ دەستدرێژییەكمان لە نێو خاكی عێراق بە هیچ لایەك نەداوە. هەر لەو میانەیەدا و لە بەرنامەیەكی كەناڵی عێراقییەی فەڕمی، وتەبێژی حكوومەتی عێراق ڕایشیگەیاند: حكوومەت داوای لە سعودیە كردووە بەڵگەكانی لەبارەی هێرشكردنە سەر وڵاتەكەی لە عێراقەوە بخاتە ڕوو و لەگەڵ لایەنی عێراقی بەشداریی پێ بكات، لیژنەی لێكۆڵینەوەش پێك هێنراوە، سەردانەكەی سەرۆكوەزیرانیش بۆ سعودیە دوابەدوای هێرشەكان ڕاگیراوە. ئەو وتیشی: بانگەشەكانی سعودیە لەوبارەوە نەسەلماون. لە بەشێكی دیكەی قسەكانیشیدا، حەیدەر عەبودی جەختی كردەوە كە 30ی مانگی نۆی ئەمساڵ كۆتا وادەی بوونی هێزەكانی هاوپەیمانیی نێودەوڵەتییە لە عێراق.