بەشێك لە ڕزگاربوانی كارەساتی ئەنفال لە كۆنگرەیەكی رۆژنامەوانیدا لە شاری هەولێر ڕایانگەیاند: حكوومەتی هەرێم و وەزارەتی كاروباری شەهیدان و ئەنفالكراوان لە ناردنی دۆسیە و ناوەكانمان بۆ دەزگای زیندانییە سیاسییەكانی عێراق و لایەنە پەیوەندیدارەكان، كەمتەرخەمی دەكات. ئەوان لە میانی گردبوونەوەیەكیان لەبەردەم وەزارەتی كاروباری شەهیدان و ئەنفالكراوان ڕوو بە دەسەڵاتدارانی هەرێم ڕایانگەیاند: چی دیكە ئێمە مەكەنەوە قوربانی داواكارییە سیاسییەكانتان و پۆستەكانتان لە بەغداد.
