حكومەتی عێراق هەڵمەتێكی گەورەی دژە گەندەڵی دەست پێكردووە و بە گشتی دەستی بەسەر 250 ملیۆن دۆلاردا گرتووە. هەڵمەتەكە لەسەر بنەمای دانپێدانانەكانی عەدنان جومەیلی، بریكاری پێشووی وەزارەتی نەوت دەستی پێكردووە كە دەیان بەرپرس و پەرلەمانتاری تێوەگلاوە. بەهۆی لێكۆڵینەوەكانەوە پارێزبەندی لەسەر چەند پەرلەمانتارێك هەڵگیراوە و چاودێرییەكی توندی ئەمنی لە ناوچەی سەوز بۆ ڕێگری لە ڕاكردنی تۆمەتباران پەیڕەو دەكرێت.
