جوتیارانی كەركوك هۆشداری دەدەنە حكومەت و هەڕەشەی داخستنی دەرگای سایلۆكان دەكەن. ئەمڕۆیش بۆ جارێكی دیكە جوتیارانی كورد و توركمان لە پێش باڵەخانەی بەڕێوبەرایەتیی كشتوكاڵی كەركوك گرد بونەوە و داوایان كرد بەزووترین كات گرفتی وەرگرتی گەنمەكانیان چارەسە بكرێت. زیاتر لە 200 هەزار تۆن گەنمی جوتیاران لە دەرەوەی پلانن، بەم بڕیارە بێت هیچیان لە جوتیاران وەر ناگیرێت، بۆیە دەڵێن ئەگەر بە نرخی پاڵپشتیكراو گەنمەكەیان لێ وەرنەگرێت، مایە پوچ دەبن. جوتیاران گردبوونەوەكەیان بە دوا مۆڵەتی خۆیان بۆ بەرپرسانی كەركوك و بەغدا ناو برد و هۆشدارییان لە هەڵوێستی دیكە دا و ڕایانگەیاند گرفتی وەرگرتنی گەنمەكەیان بۆ چارەسەر نەكرێت، بە كۆمەڵ دەچنە بەردەم سایلۆی كەركوك و دەرگاكانی دادەخەن و، پرۆسەكە بە تەواوی ڕادەگرین. هاوكات جوتیارانی كورد نیگەرانن لە كاربەدەستانی كورد لە بەغداد و دەڵێن تاكو ئێستا بەدەم داواكاریەكانمانەوە نەهاتون.
