رۆژنامەی شەرقولئەوسەت لە ژمارەی ئەمڕۆیدا ئاشکرایکردووە، تۆم باراک نێردەی سەرۆکی ئەمریکا بۆ عێراق لەکاتی سەردانەکەی بۆ هەولێر، تاوتوێی چارەسەرکردنی کێشەکانی هەولێر و بەغدای کردووە، بەتایبەت ئەوانەی پەیوەستن بە پرسی نەوتەوە.
ڕۆژنامەکە ئاشکرایکردووە، کێشەی هەولێر و بەغدا لە قۆناغی داهاتوودا یاسای نەوت و گاز دەبێت، هەرچەندە بەدووریزانیوە لەم کابینەیەشدا یاساکە بنێردرێتە پەرلەمان، بەڵام وەک شەرقولئەوسەت دەڵێت، تۆم باراک لە هەولێر بە بەرپرسانی کوردی وتووە، ئامادەیە بۆ نێوەندگیریی و گەیشتن بە ڕێککەوتن.
یاسای نەوت و گاز لە ساڵی 2007ەوە کێشەیەکی گەورەی نێوان هەولێر و بەغدایە، وەک شەرقولئەوسەت باسیکردووە، تا ئێستاش ناکۆکی لەسەر ئەوە بەردەوامە کە ئایا هەرێمی کوردستان مافی ئەوەی هەیە ڕاستەوخۆ گرێبەست لەگەڵ کۆمپانیا بیانییەکاندا واژۆ بکات و پڕۆژەی نەوتی سەربەخۆ جێبەجێ بکات، یان حکومەتی فیدراڵی بەپێی دەستوور و یاساکان تەنها لایەنی ڕێپێدراوە بۆ ئەم کارە، لەپاڵ بوونی جیاوازی قووڵ لەسەر کێڵگە دۆزراوەکان و جۆری گرێبەستە واژۆکراوەکان، چ لەسەر بنەمای خزمەتگوزاریی بن یان هاوبەشیی.
ماجد شەنگالی پەرلەمانتاری پێشووی پارتی بە دووری دەزانێت لەم خولەی حکومەتەکەی عەلی زەیدی دا، یاسای نەوت و گاز رەوانەی پەرلەمانی عێراق بکرێت، چونکە وەک ئەو دەڵێت: بەغدا مەیلی ناوەندێتییەکی بەهێزی بەرامبەر بە هەرێمی کوردستان هەیە، بۆیە پێدەچێت دۆخەکە هەر وەک پێشووتر بەردەوام بێت.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.