ژمارەیەك لە دەرچووانی بەشە جیاوازەكانی زانكۆ و پەیمانگاكان لە شاری كەركووك، دژ بە دواكەوتنی پڕۆسەی ڕاگەیاندنی ناوەكانیان لە بەردەم بینای پارێزگا گرد بوونەوە. بەشداربووانی گردبوونەوەكە داوایان كرد بەپەلە ئەنجامی ناوی سەرجەم ئەو حەوت هەزار و 304 پلە وەزیفییە رابگەیەنرێت كە دیاریكراوە. بە وتەی بەشداربووان، نزیكەی ساڵێك بەسەر پێشكەشكردنی مامەڵەكانیان بۆ بەدەستهێنانی ئەو پلە وەزیفییانە تێپەڕیوە، بەڵام تاوەكو ئێستا لایەنە پەیوەندیدارەكان هیچ وەڵامێكی فەرمییان نەداونەتەوە و ئەنجامەكان ڕانەگەیەنراون.
