هەریەكە لەحاكم قادر حەمە جان و محەمەدی حاجی مەحمود لە كۆبوونەوەیەكدا جەخت لە یەكڕیزیی نیشتمانی و داڕشتنی پاكێجێكی ستراتیژی دەكەنەوە.
بەگوێرەی راگەیەندراوێك، حاكم قادر حەمە جان پێشوازی لە محەمەدی حاجی مەحمود، سەرۆكی پارتی سۆسیال دیموكراتی كوردستان كردووەو لە كۆبوونەوەیەكدا، دوا گۆڕانكارییە سیاسییەكانی ناوچەكە و هەستیاریی قۆناغی ئێستا خرانە بەر باس. هەردوولا جەختیان لەوە كردەوە كە ئەم قۆناغە پێویستی بە بەرپرسیاریەتیی زیاتر، تێگەیشتنی هاوبەش و یەكڕیزیی هەموو هێز و لایەنە سیاسییەكانی كوردستان هەیە.
هەروەها دانانی پاكێجێكی ستراتیژیی نیشتمانیی هاوبەش بەپێویست زانرا كە بكرێتە كارنامە بۆ ڕووبەڕووبوونەوەی ئاڵنگارییەكان و پاراستنی بەرژەوەندییە باڵاكانی گەلی كوردستان و دووركەوتنەوە لە ململانێی نادروست، چونكە ململانێی توند و نادروست دوورمان دەخاتەوە لە یەكتر و ڕێگر دەبێت لە خزمەتكردنی بەرژەوەندیی گشتی.
ئاماژە بەوەشكرا، ڕۆژھەڵاتی ناوەڕاست لەبەردەم گۆڕانكاری گەورەدایە، بۆیە دەبێت بە هەستێكی نەتەوەیی و بەرپرسیاریی مێژوویی، هەموومان دەست لەناو دەست بەرگری لە مافە ئینسانی و دەستوری و یاساییەكانمان بكەین و هەردوولا دووپاتیان كردەوە كە یەكڕیزیی گەلی كوردستان، یەكگوتاریی نەتەوەیی و پتەوكردنی پەیوەندی و هاوكاریی نێوان حزبە كوردستانییەكان، یەكێكە لە گرنگترین پێداویستییەكانی ئەم قۆناغە هەستیارە.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.