سەرباری تێپەڕبوونی چەند ساڵێك بەسەر ڕاگەیاندنی سەركەوتن بەسەر داعش لە عێراق، ناوبەناو هێرشی ئەو گروپە تیرۆریستیە ڕوودەدات و لەم هەفتەیەدا دوو جار هێرشیان كردووەتە سەر هێزە عێراقیەكان. بۆشایی ئەمنی لە پارێزگاكانی كەركوك و سەڵاحەدین و نەینەوا مەترسی دەستپێكردنەوەی هێرشەكانی داعشی دروست كردووە و فەرماندەیەكی سەربازیی دەڵێت پڕكردنەوەی بۆشایی ئەمنی پێویستی بە ڕێكخستنەوەی هێزەكان هەیە.
