بۆ یەکەمجار لە ٢٤ ساڵ ئەمریکا بڕیاریدا چاودێرانی ڕێکخراوی ئاسایش و هاوکاری ئەورووپا و ڕێکخراوەکانی تایبەت بە چاودێری هەڵبژاردن بۆ چاودێری هەڵبژاردنەکانی ئەو وڵاتە بانگهێشت نەکات و ئەوەش مشتومڕی لێکەوتەوە. بڕیاری حکوومەتی ترهمپ بۆ بانگهێشتنەکردنی چاودێرانی ئەورووپا لە هەڵبژاردنی ٣ی تشرینی دووهەم، لەسەر ڕای گشتی ئەو وڵاتە مشتومڕی لێکەوتووەتەوە و ناڕەزایەتی بەشێک لە ئەندامانی کۆنگرێسیشی لێ کەوتووەتەوە و ڕایانگەیاندووە، ئەوە زیان بە دیموکراسی ئەمریکا دەگەیەنێت. ئەو بڕیارەی حکوومەتی دۆناڵد ترهمپ بۆ یەکەمجار لە دوای هەڵبژاردنەکانی ساڵی ٢٠٠٢ دەرکراوە و ئیدارەکەی دۆناڵد ترهمپ ڕایگەیاندووە کە پێویستیی بە پەسەندکردنی چاودێرانی نێودەوڵەتی نییە لە وڵاتەکەیاندا. جێگری وتەبێژی کۆشکی سپی لۆرێن بیس ڕایگەیاند: “هەڵبژاردنی ئەمریکا لە لایەن هاووڵاتیانی ئەمریکاوە ئەنجام دەدرێت. ئەو هاووڵاتیانە خۆشیان چاودێری هەڵبژاردن دەکەن”. لەم بارەیەوە سیناتۆری دیموکرات جین شاهین ڕایگەیاندووە: “بڕیاری حکوومەتی ترهمپ بۆ بانگهێشتنەکردنی چاودێرانی نێودەوڵەتی پێچەوانەی ڕووحی ئازادی، دیموکراسی و شەفافیەتە کە پێناسی هەڵبژاردنەکانی ئێمەیە”.
ئەمریکا ڕێگا نادات چاودێران و ڕێکخراوە ئەورووپییەکان چاودێری هەڵبژاردنەکانی ئەو وڵاتە بکەن
Byنوسەر
تشرینی یەکەم 16, 2026