فەرهاد شامی بەڕێوەبەری ناوەندی ڕاگەیاندن و وتەبێژی هێزەکانی سوریای دیموکرات هەسەدە ڕایگەیاند، هێزەکانی سوریای دیموکرات ئەو پاڵپشتییە بەردەوامەی هاوپەیمانی نێودەوڵەتی بۆ بەرزکردنەوەی ئاسایش و سەقامگیری لە دێرەزۆر و باکور و ڕۆژهەڵاتی سوریا پێشکەشی دەکەن، دەنرخێنن.
فەرهەد شامی لە بەیاننامەیەکدا ئاماژەی بەوەکردووە، کە تەنها لە ماوەی یەک مانگدا هاوپەیمانی نێودەوڵەتی بۆ زیاتر لە بیست ئۆپەراسیۆنی ئەمنی و سەربازی لە دژی شانە و تۆڕە چالاکەکانی داعش پاڵپشتی ڕاستەوخۆ ئاسمانی هەسەدەی کردووە، ئەمەش بەشداربووە لە زیادکردنی کارامەیی لە ئۆپەراسیۆنە مەیدانییەکان و فراوانکردنی بازنەی ئۆپەراسیۆنە خۆپارێزییەکان.
فەرهاد شامی دەشڵێت، هاوکاریی هەسەدە و هاوپەیمانی نێودەوڵەتی ڕەنگدانەوەی پابەندبوونی هاوبەشە بە ئاسایش و سەقامگیری ناوچەکەدا.
شامی جەختی لەوە کردەوە کە ئەم هاوکارییە بەهێزە ڕەنگدانەوەی پابەندبوونێکی هاوبەشە بۆ درێژەدان بە شەڕی دژی داعش بە شێوەیەک کە خزمەت بە ئاسایش و سەقامگیری دانیشتوانی ناوچەکە بکات و زەمینە بۆ داهاتوویەکی ئارامتر و ئەمنتر بۆ هەموو سورییەکان خۆش بکات.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.