لە چاكسازییەكانی هەرێمی كوردستان زیاتر لە شەش هەزار زیندانی هەیە، بەڕێوەبەری گشتیی چاكسازییەكانیش لێبووردنی گشتی بە یەكێك لە ڕێگەچارەكان بۆ كەمكردنەوەی ژمارەی زیندانییان دیاری دەكات، ئەوەش پێویستی بە پەڕلەمانە كە ئێستا نیمانە. بەڕێوەبەری گشتیی چاكسازییەكانی هەرێم لە كۆنگرەیەكی ڕۆژنامەوانیدا ڕایگەیاند: زیاتر لە دوو هەزار دەستگیركراو لەسەر بەكارهێنان، یاخود بازرگانیی بە ماددەهۆشبەرەكان و پلەی یەكەمی ڕیزبەندی زیندانییانیان لەناو چاكسازییەكاندا گرتووە.