بەڕێوەبەری گشتیی دیوانی وەزارەتی ناوخۆی حکومەتی هەرێم ڕایدەگەیەنێت، بۆ لەمەودوا لەهەر ئۆتۆمبێلێکەوە زبڵ و خاشاک فڕێ بدرێت ئەوا كەسەكەو شۆفێرەكە 40هەزار دینار غەرامە دەکرێت.
هێمن میرانی، بەڕێوەبەری گشتیی دیوانی وەزارەتی ناوخۆی حکومەتی هەرێمی کوردستان، لەڕاگەیەندراوێكدا بڵاویكردەوە، كە چیتر فڕێدانی زبڵ و خاشاک لەناو ئۆتۆمبێلەکانەوە بەڕەوا و ئاسایی نابینرێت و لەمڕۆوە ڕێکاری یاسایی بەرامبەر سەرپێچیکاران دەگیرێتەبەر.
بەگوێرەی ڕاگەیەندراوەكە، بڕیارەکە هەر ئۆتۆمبێلێک، چ شوفێرەکەی بێت یان سەرنشینەکانی، زبڵ و خاشاک فڕێ بدەنە سەر شەقام و شوێنە گشتییەکان، بە بڕی 40هەزار دینار سزا دەدرێن.
بەڕێوەبەری گشتیی دیوانی وەزارەتی ناوخۆ جەختی کردەوە، ئەم هەنگاوە بەئامانجی دروستکردنی کوردستانێکی پاک و خاوێنترەو داوا لەهاوڵاتیان دەکات پابەندی رێنماییە ژینگەییەکان بن بۆ ئەوەی دووچاری سزای دارایی نەبنەوەو سیمای شارەکانیش بەجوانی بمێننەوە.
دهستپێخهرییهكی تری كاری رۆژنامهگهری ئههلیو ئازاده،
بهههوڵو تێكۆشانی كۆمهڵێك میدیاكاری سهربهخۆ هێنراوهته ئاراوه،
ئهركو ئامانجی وهك ههر كارێكی تری رۆژنامهوانی ئازادی ئهلهكترۆنی،
گهیاندنی ههواڵو زانیارییه بهخوێنهرانی بهشێوهیهكی خێراو گونجاو.